नमुंमपा शाळांमध्ये शैक्षणिक वर्ष 2021-22 पूर्वप्राथमिक व इयत्ता 1 ली ते इयत्ता 10 वी करीता नि:शुल्क प्रवेश प्रक्रिया
नवी मुंबई महानगरपालिका क्षेत्रातील सर्व पालकांना कळविण्यात येते की, नवी मुंबई महानगरपालिकेच्या मराठी, हिंदी, उर्दु व इंग्रजी (स्टेट बोर्ड) च्या प्राथमिक व माध्यमिक शाळांमध्ये सन 2021-22 या शैक्षणिक वर्षासाठी पूर्वप्राथमिक व इयत्ता 1ली ते इयत्ता 10वी करीता नि:शुल्क प्रवेश प्रक्रिया राबविण्यात येत आहे.
तसेच नमुंमपा सी.बी.एस.ई. शाळा क्र. 93 कोपरखैरणे, सेक्टर-14 व नमुंमपा सी.बी.एस.ई. शाळा क्र. 94 नेरूळ, सेक्टर-50 या शाळेमध्ये फक्त नर्सरी वर्गाचे प्रवेश सुरू करण्यात येत आहेत. तरी इच्छूक पालकांनी नर्सरी साठी 3 वर्षे पूर्ण झालेल्या (मानिव दिनांक 31 डिसेंबर, 2021) आपल्या पाल्याच्या प्रवेशासाठी संबंधित शाळेत जाऊन दिनांक 10/07/2021 पर्यंत अर्ज करावेत. प्रवेशापेक्षा जास्त अर्ज प्राप्त झाल्यास लॉटरी पध्दत राबवुन निवड करण्यात येईल.
नवी मुंबई महानगरपालिका शाळांच्या सुसज्ज इमारती असून यामध्ये विद्यार्थ्यांना दर्जेदार व गुणवत्तापूर्ण शिक्षण दिले जाते. तसेच विद्यार्थ्यांना शैक्षणिक साहित्य मोफत दिले जाते. महानगरपालिकेमार्फत विद्यार्थ्यांसाठी विमा योजनेचे संरक्षण दिले जाते. विद्यार्थ्यांना ईलर्निंग व स्मार्ट बोर्डच्या माध्यमातून शिक्षण दिले जात असून सध्यस्थितीत लॉकडाऊनच्या कालावधीत ऑनलाईन शिक्षण दिले जात आहे.
तरी इच्छूक पालकांनी आपल्या पाल्याचा प्रवेश आपल्या नजीकच्या महानगरपालिकेच्या शाळांमध्ये फॉर्म भरून निश्चित करावा.
