14 मार्चपासून नमुंमपा प्रारूप विकास आराखड्यावर प्राप्त सूचना / हरकतींवर प्रत्यक्ष सुनावणी कार्यक्रम
संपादक : सुनील तावडे (९००४२४९२६२)
नवी मुंबई महानगरपालिकेचा प्रारुप विकास आराखडा महाराष्ट्र प्रादेशिक नियोजन व नगररचना अधिनियम 1966 चे कलम 26 (1) अन्वये नागरिकांकडून सूचना / हरकती मागविणेसाठी दि. 10 ऑगस्ट 2022 रोजीच्या राजपत्रात प्रसिध्द करण्यात आलेला आहे.
त्यास अनुसरून दिनांक 31 ऑक्टोबर 2022 रोजीच्या विहित मुदतीमध्ये नवी मुंबई महानगरपालिकेकडे प्राप्त झालेल्या सूचना / हरकती धारकांना प्रत्यक्ष सुनावणी देणेसाठी नवी मुंबई महानगरपालिका स्तरावर नियोजन समिती गठीत करण्यात आलेली आहे.
या सूचना / हरकती धारकांना उक्त अधिनियमाच्या कलम 28 (2) अन्वये गठीत करण्यात आलेल्या समितीची प्राथमिक बैठक दि. 14 फेब्रुवारी 2023 रोजी पार पडलेली आहे. या बैठकीमध्ये ठरल्याप्रमाणे सूचना / हरकत धारकांची सुनावणी घेण्याकरिता वेळापत्रक निश्चित करण्यात आलेले असून त्याचा तपशील खालीलप्रमाणे.
| अ.क्र. | विभाग | सुनावणी नोटीस क्र. | सुनावणीचा दिनांक | सुनावणीची वेळ |
| 1. | ऐरोली | 1 ते 40 | 14/03/2023 | सकाळी 9.00 ते 10.00 |
| 2. | ऐरोली | 41 ते 76 | 14/03/2023 | सकाळी 11.00 ते दुपारी 1.00 |
| 3. | बेलापूर | 77 ते 722 | 14/03/2023 | दुपारी 2.00 ते सायं. 3.00 |
| 4. | बेलापूर | 723 ते 754 | 14/03/2023 | दुपारी 3.00 ते सायं. 6.00 |
| 5. | घणसोली | 755 ते 889 | 15/03/2023 | सकाळी 9.00 ते 10.00 |
| 6. | घणसोली | 890 ते 967 | 15/03/2023 | सकाळी 10.00 ते 11.00 |
| 7. | घणसोली | 968 ते 990 | 15/03/2023 | सकाळी 11.00 ते दुपारी 1.00 |
| 8. | घणसोली | 991 ते 1016 | 15/03/2023 | दुपारी 2.00 ते सायं. 3.00 |
| 9. | कोपरखैरणे | 1017 ते 1053 | 15/03/2023 | दुपारी 3.00 ते सायं. 6.00 |
| 10. | कोपरखैरणे | 1054 ते 2110 | 16/03/2023 | सकाळी 9.00 ते 11.00 |
| 11. | कोपरखैरणे | 2111 ते 1242 | 16/03/2023 | सकाळी 11.00 ते दुपारी 1.00 |
| 12. | वाशी | 1243 ते 2487 | 16/03/2023 | दुपारी 2.00 ते सायंकाळी 4.00 |
| 13. | वाशी | 2488 ते 2522 | 16/03/2023 | दुपारी 4.00 ते सायंकाळी 6.00 |
| 14. | तुर्भे | 2523 ते 2564 | 23/03/2023 | सकाळी 9.00 ते 11.00 |
| 15. | तुर्भे | 2565 ते 3317 | 23/03/2023 | सकाळी 11.00 ते दुपारी 1.00 |
| 16. | सानपाडा | 3318 ते 4666 | 23/03/2023 | दुपारी 2.00 ते सायंकाळी 3.30 |
| 17. | सानपाडा | 4667 ते 4818 | 23/03/2023 | दुपारी 3.30 ते सायंकाळी 6.00 |
| 18. | सानपाडा | 4819 ते 4881 | 24/03/2023 | सकाळी 9.00 ते 11.00 |
| 19. | नेरूळ | 4882 ते 5852 | 24/03/2023 | सकाळी 11.00 ते दुपारी 1.00 |
| 20. | नेरूळ | 5853 ते 6214 | 24/03/2023 | दुपारी 2.00 ते सायंकाळी 4.00 |
| 21. | नेरूळ | 6215 ते 6260 | 24/03/2023 | दुपारी 4.00 ते सायंकाळी 6.00 |
| 22. | नेरूळ | 6261 ते 6340 | 27/03/2023 | सकाळी 9.00 ते 11.00 |
| 23. | नेरूळ | 6341 ते 6379 | 27/03/2023 | सकाळी 11.00 ते दुपारी 1.00 |
| 24. | संपुर्ण नमुंमपा क्षेत्राकरीता | 6380 ते 15796 | 27/03/2023 | दुपारी 2.00 ते सायंकाळी 6.00 |
| 25. | विशेष स्वरुपाच्या हरकती | 15797 ते 15830 | 28/03/2023 | सकाळी 10.00 ते 11.00 |
| 26. | विशेष स्वरुपाच्या हरकती | 15831 ते 15840 | 28/03/2023 | सकाळी 11.00 ते 12.00 |
| 27. | विशेष स्वरुपाच्या हरकती | 15841 ते 15849 | 28/03/2023 | दुपारी 12.00 ते 1.00 |
| 28. | विशेष स्वरुपाच्या हरकती | 15850 ते 15863 | 28/03/2023 | दुपारी 02.00 ते 3.00 |
| 29. | विशेष स्वरुपाच्या हरकती | 15864 ते 15885 | 28/03/2023 | दुपारी 3.00 ते सायं.5.00 |
| 30. | सिडको व इतर | 15886 ते 15892 | 28/03/2023 | सायंकाळी 5.00 ते 6.00 |
| 31. | — | — | 29/03/2023 | राखीव |
सदर सुनावणी नवी मुंबई महानगरपालिका मुख्यालयातील ज्ञानकेंद्र, तिसरा मजला, सेक्टर 15 ए, सीबीडी बेलापूर, नवी मुंबई येथे आयोजित करण्यात आलेली आहे.
प्रस्तुत प्रकटनाच्या अनुषंगाने सर्व सूचना / हरकत धारक यांना नवी मुंबई महानगरपालिकेच्या वतीने सुनावणीसाठी उपस्थित राहणेबाबत सूचना / हरकत धारक यांच्या अर्जामध्ये नमूद केलेल्या पत्त्यानुसार विभागनिहाय नोटीस क्रमांक नमूद करुन कळविण्यात आलेले आहे. ज्या सूचना / हरकत धारकांना नोटीस प्राप्त झालेली नसेल त्या व्यक्ती संबंधित विभाग कार्यालय स्तरावर तसेच मुख्यालयातील नगररचना विभागामध्ये स्थापन करण्यात आलेल्या सुविधा केंद्रामधून सादर केलेल्या सूचना / हरकतीची प्रत दाखवून आपली नोटीस प्राप्त करुन घेऊ शकतात. काही सूचना / हरकत धारकांच्या अर्जामध्ये पत्ता नमूद केलेला नाही, असे हरकतदारदेखील सुविधा केंद्रामधून आपली सुनावणीबाबतची नोटीस प्राप्त करुन घेऊ शकतात. तरी सर्व संबंधितांनी याची नोंद घ्यावी असे आवाहन करण्यात येत आहे.
