नेताजी बोस यांची १२६ वी जयंती साजरी
संपादक : सुनील तावडे (९००४२४९२६२)
आधुनिक पिढीतील देशभक्तीबद्दल बोलायचे झाले तर खेदाने म्हणावे लागेल की, आपली युवा पिढी देशभक्तीच्या भरभराटीच्या वारशाबाबत उदासीन होत चालली आहे. 15 ऑगस्ट व 26 जानेवारी ला त्यांच्यात देशप्रेम जागृत होते आणि काही कार्यक्रमांच्या बलिदानानंतर त्यांचे प्रेम बोथट होते. असे मत माजी सैनिक आणि उत्तर भारतीय नेते एस.सी. मिश्रा यांनी व्यक्त केले.
वाशी येथील नेताजी सुभाषचंद्र बोस स्मृति संस्थान आयोजित नेताजी सुभाषचंद्र बोस यांच्या १२६ व्या जयंती कार्यक्रमात ते बोलत होते. वाशी येथे सकाळी वाशी पोलीस स्टेशन गुन्हे शाखेचे निरीक्षक प्रमोद तोरडमल यांच्या हस्ते नेताजी चौकाच्या नामफलकाला पुष्पहार अर्पण करून जयंती उत्सवाचे उद्घाटन करण्यात आले.
सामाजिक अंतर राखून आयोजित वरील कार्यक्रमात बोलताना सरदार वल्लभभाई पटेल संस्थेचे अध्यक्ष महेंद्र वर्मा म्हणाले की, देशभक्तामध्ये आपल्या देशाप्रती संपूर्ण समर्पणाची भावना असली पाहिजे. देशासाठी सर्वस्वाचा त्याग करताना त्यांनी मागेपुढे पाहू नये. यावेळी अपना दल चे नवी मुंबई जिल्हा अध्यक्ष आशीष गोस्वामी, सर्वधर्मीय विकास मंच चे अध्यक्ष मेघनाथ भगत, कवि व लेखक विपुल लखनवी, सेवा सदन प्रसाद, कवित्री मंजू गुप्ता जनकल्याण सामाजिक संस्था चे राष्ट्रीय अध्यक्ष राजेश शर्मा ह्यांनी आप आपले विचार व्यक्त केले.
नवी मुंबई जिल्हा काँग्रेसचे सरचिटणीस उन्नीकृष्णन, बबलू मोटर्सचे संचालक चरणजित सिंग, पत्रकार जी. गंधले, अनिल अग्रवाल, सुरेंद्र सरोज, नवी मुंबई बंजारा समाज, शिवसेना अध्यक्ष गुलाब भिडे, ग्रंथप्रेमी दिनेश चव्हाण, जनकल्याण सामाजिक संस्थेचे मनोज सिंग, लालजी शर्मा, उमेश शर्मा, श्री. मणी व शंकर गुप्ता यावेळी उपस्थित होते.
कार्यक्रमाचे आयोजन अध्यक्ष तथा पत्रकार विनोद प्रधान यांनी केले तर आभार प्रदर्शन बलदेव सिंग यांनी केले.
