१४४ वा गजानन महाराज प्रकट दिन सोहळा खारघर पत्रकार संघाचे संस्थापक सचिव संतोष वाव्हळ यांच्या घरी संपन्न
संपादक : सुनील तावडे (९००४२४९२६२)
(खारघर / प्रतिनिधी) बुधवार दिनांक २३ फेब्रुवारी रोजी गजानन महाराज यांचा १४४ वा प्रकट दिन सोहळा महाराष्ट्रासह संपूर्ण देशभरात मोठया उत्साहात साजरा केला गेला. सालाबाद प्रमाणे सार्थ लोकनीतीचे संपादक श्री. संतोष वाव्हळ यांनी ह्या वर्षी सुद्धा गजानन महाराज प्रकट दिन सोहळ्याचे आयोजन आपल्या निवास्थानी केले होते. तसेच सत्यनारायण महापूजेचे आयोजन केले होते. यावेळी असंख्य नागरिकांनी गजानन महाराजांच्या दर्शनाचा व महाप्रसादाचा लाभ घेतला. रात्री संत मुक्ताई महिलांच्या भजनाचा कार्यक्रम ठेवण्यात आला होता. यावेळी माता भगिनी मोठया संख्येने उपस्थित होत्या.
यावेळी श्री. संतोष वाव्हळ व त्यांच्या पत्नी सौ. राजेश्री वाव्हळ ह्यांनी गजानन महाराजांच्या प्रतिमेची मनोभावे पूजा-अर्चना केली. या प्रसंगी स्वराज वाव्हळ व विराज वाव्हळ यांनी आलेल्या मान्यवरांचे स्वागत केले.
या कार्यक्रमाला सहाय्यक पोलीस आयुक्त गजानन राठोड, खारघर पोलीस स्टेशनचे क्राईम पीआय विमल बिडवे, क्रियाशील प्रेस क्लब चे संस्थापक व दैनिक वादळवारा चे संपादक ज्येष्ठ पत्रकार विजय कडू, क्रियाशील प्रेस क्लबचे अध्यक्ष केवल महाडिक, कोषाध्यक्ष विशाल सावंत, पत्रकार अनिल रॉय, पत्रकार प्रदीप ठाकरे, पत्रकार शंकर वायदंडे, पत्रकार साक्षी सांगवेकर, ग्राम विकास अधिकारी भाऊसाहेब भोजने, पनवेल महानगरपालिका अ प्रभाग समिती सभापती संजना समीर कदम, माजी सभापती नगर सेवक अभिमन्यू पाटील, नगरसेवक शत्रुघ्न काकडे, नगरसेवक हरीश केणी, भाजपा खारघर मंडल अध्यक्ष ब्रिजेश पटेल, रायगड जिल्हा युवा मोर्चा मा. सरचिटणीस समीर कदम, भाजप उत्तर रायगड जिल्हा महिला चिटणीस गीता चौधरी, राष्ट्रीय महिला भारत रक्षा मंच अध्यक्ष बिना गोगरी, सोशल मीडिया उपाध्यक्ष मोना अडवाणी, खारघर भाजप सरचिटणीस दीपक शिंदे, खारघर भाजप महिला मोर्चा उपाध्यक्ष प्रतीक्षा कदम, महिला मोर्चा चिटणीस अंकिता वारंग, खारघर भाजपा शिक्षक सेल अध्यक्ष संदीप रेड्डी, भाजपा युवा मोर्चा खारघर तलोजा मंडळ अध्यक्ष विनोद घरत, खारघर प्रभाग चार अध्यक्ष वासुदेव पाटील, काशिनाथ घरत, माणिक म्हात्रे, शिवसेना विभाग प्रमुख मनिष पाटील, विभाग प्रमुख नंदू वारुंगसे, विभाग प्रमुख नितीन कुमार सूर्यवंशी, शाखाप्रमुख पांडुरंग घुले, सचिन बारवे, युवा शाखा अधिकारी अक्षय कदम, के वाय सी चे अध्यक्ष विकास सोरटे आणि इतर सहकारी तसेच अनेक नागरिकांनी उपस्थित राहून दर्शन घेतले.
